Mjerimi i pret ata që ikin nga ofensiva e Izraelit në qytetin e Gazës

Shumë palestinezë janë detyruar të largohen nga ofensiva e intensifikuar e Izraelit në qytetin e Gazës, me shumë prej tyre që kanë ngritur tenda të improvizuara në kushte të mjerueshme në një zonë perëndimisht të kampit të refugjatëve Nuseirat, në jug.

“Na kanë hedhur në rrugë si… çfarë të them? Si qen? Ne nuk jemi si qen. Qentë janë më mirë se ne,” tha Mohammed Maarouf, 50 vjeç, për agjencinë e lajmeve Associated Press, duke qëndruar para tendës së tij.

Ai dhe familja e tij prej nëntë anëtarësh ishin zhvendosur më parë nga qyteti verior Beit Lahiya.

“Nuk kemi shtëpi. Jemi në rrugë,” tha ai.

Ahmad Saadeh, me origjinë nga Beit Hanouni, i tha AP-së se palestinezët po vuajnë nga uria, sëmundjet dhe mungesa e strehimit në territorin e shkatërruar nga lufta, ku kushtet e urisë u konfirmuan kohët e fundit.

“Ne vuajmë nga shumë gjëra,” tha ai. “Vuajmë nga fakti që fëmijët tanë janë të sëmurë.”