VLEN në Kumanovë: Investim i ri në kanalizimin atmosferik në rrugën “Bajram Shabani”

Driton Sulejmani nga VLEN, ka njoftuar sot për realizimin e një projekti të rëndësishëm infrastrukturor në rrugën “Bajram Shabani” të Kumanovës.
Bëhet fjalë për ndërtimin e kanalizimit atmosferik me gjatësi prej 814 metrash, një investim prej 21 milionë e 408 mijë denarësh, i cili është mbështetur nga Programi qeveritar për ndarjen e mjeteve për ndihmë të komunave.
“Sot jemi në Kumanovë për të promovuar një nga projektet e përkrahura nga Qeveria në thirrjen e parë për ndarjen e mjeteve për komunat. Me realizimin e këtij projekti, po zgjidhim edhe më tutje problemet e qytetarëve, ashtu siç e kemi premtuar në programin tonë zgjedhor,” deklaroi Sulejmani.
Ky projekt synon të përmirësojë kushtet infrastrukturore dhe cilësinë e jetës për banorët e Kumanovës.