(VIDEO)”Bella Ciao” për Orbanin në Parlamentin Evropian
Presidentja e Parlamentit Evropian Roberta Mecola ndaloi thirrjet “Bella Ciao” që këndoheshin ndaj kryeministrit hungarez Viktor Orbàn të mërkurën në mëngjes, gjatë një seance plenare të Parlamentit Evropian.
Ndërsa kryeministri hungarez përfundoi fjalimin e tij brenda dhomës, një numër i të pranishmëve filluan të duartrokasin dhe të këndonin këngën e famshme “Bella Ciao”, duke bllokuar përkohësisht procesin.
Pas rreth 20 sekondash nga kjo brohoritje, Mecola ushtroi rolin e saj si Presidente e Parlamentit Evropian, duke deklaruar se “Ky nuk është Eurovizion”, për të ndalur përçarjen. Duke tentuar ta ndalojë të qeshurën me zor, Mecola u kërkoi zyrtarëve të pranishëm që të “respektonin dinjitetin e kësaj Dhome” pasi Presidentja e Komisionit Evropian Ursula von der Leyen ishte e radhës për të marrë fjalën dhe për të folur.
Orbàn sapo kishte paraqitur prioritetet e Hungarisë për Presidencën e saj mbi Këshillin e Bashkimit Evropian kur shpërtheu kjo skenë në Strasburg. Hungaria do ta mbajë këtë presidencë të BE-së deri në fund të vitit 2024.
“Bella Ciao” është një këngë italiane që e ka origjinën nga luftëtarët italianë të rezistencës në luftën e tyre kundër trupave pushtuese të Gjermanisë naziste gjatë Luftës së Dytë Botërore.
Hungaria Orbàn është lideri i partisë së djathtë Fidesz në qeverinë hungareze – kryeministri hungarez është përballur me shumë kritika gjatë viteve për bindjet e tij politike.
Versioni më i njohur i këngës rrëfehet nga këndvështrimi i një luftëtari partizan, i cili zgjohet një mëngjes duke e ditur se duhet të lërë të dashurën e tij pas për të luftuar një pushtues të paspecifikuar, duke kuptuar se ai mund të mos e shohë më kurrë.
“Po të vdes si partizan, – duhet të më varrosni / më varrosni atje lart, në mal / nën hijen e një luleje të bukur / dhe të gjithë ata që do të kalojnë / do të thonë: “Sa lule e bukur. / Kjo është lulja e partizanit / që vdiq për liri’”, thotë teksti i këngës.
Bella Ciao jo vetëm që qarkullon në të gjithë Italinë çdo vit më 25 prill për të festuar fundin e diktaturës fashiste të Benito Musolinit dhe pushtimit nazist gjerman. Por në vitet e fundit, ajo është kënduar gjithashtu në protestat antiqeveritare në Iran, në barrikadat e Ukrainës, është kënduar nga protestuesit për të drejtat e grave në Poloni dhe të tjerë.
Përdorimi i spikatur i këngës në serialin spanjoll La Casa de Papel (Money Heist), një nga shfaqjet më të transmetuara në historinë e Netflix, do të thotë se ajo ka arritur edhe në mendjet më pak aktive politikisht dhe – nëpërmjet remikseve elektronike – në pistat e vallëzimit të klubeve të natës.
