Rasti Hind Rajab: Fondacioni kërkon arrestimin e komandantit izraelit në SHBA
“Glass nuk është thjesht një tjetër person i përfshirë në vrasjen e Hind Rajabit. Ai është personi që, me shumë gjasë, dha urdhrin për të hapur zjarr”, tha drejtori i përgjithshëm i HRF-së, Dyab Abou Jahjah.
Fondacioni Hind Rajab i ka paraqitur një kërkesë urgjente Departamentit të Drejtësisë së SHBA-së, duke kërkuar hetimin, arrestimin dhe ndjekjen penale të Sean Glassit, një komandant izraelit, të cilin e akuzon për kryerjen e krimeve të luftës dhe gjenocidit në Gaza.
Glass komandonte kompaninë “Vampire Empire”, për të cilën HRF-ja thotë se ishte përgjegjëse për vrasjen e Hind Rajabit, pesëvjeçares, të familjarëve të saj dhe të paramedikëve që u përpoqën t’i shpëtonin.
Fondacioni thotë se, sipas hetimit të tij, Glass dhe trupat nën komandën e tij ndodheshin pranë automjetit të Hindit gjatë sulmit dhe se ai, me shumë gjasë, u dha urdhër ushtarëve të hapnin zjarr.
