Pse Gjermania është prapë në recesion?
FMN-ja tani pret rritje prej 0 për qind, që është 0.2 pikë më pak se parashikimi në korrik. Sipas parashikimit, Gjermania duhet të jetë në fund vitin e ardhshëm së bashku me Italinë. “Gjermania do të rëndohet nga problemet me konsolidimin e buxhetit dhe një rënie e madhe e çmimeve të pasurive të paluajtshme”, thotë parashikimi i FMN-së.
Fondi Monetar Ndërkombëtar (FMN) nuk sheh ndonjë ndryshim për dobësimin e ekonomisë gjermane. Në vitin e ardhshëm, prodhimi ekonomik gjerman do të rritet me vetëm 0,8 për qind, që është 0,5 pikë përqindjeje më pak se sa ishte parashikuar në korrik, sipas të dhënave nga parashikimi i fundit i FMN-së.
NUK KA RRITJE EKONOMIKE KËTË VIT
Për vitin aktual 2024, FMN parashikon rritjen më të dobët për Gjermaninë midis vendeve kryesore industriale (G7). FMN-ja tani pret rritje prej 0 për qind, që është 0.2 pikë më pak se parashikimi në korrik. Sipas parashikimit, Gjermania duhet të jetë në fund vitin e ardhshëm së bashku me Italinë. “Gjermania do të rëndohet nga problemet me konsolidimin e buxhetit dhe një rënie e madhe e çmimeve të pasurive të paluajtshme”, thotë parashikimi i FMN-së, i cili ka kritikuar prej kohësh problemet strukturore në Gjermani si mungesa e punëtorëve të kualifikuar në Gjermani. Edhe përmbajtja e konsumatorëve në shpenzime reflektohet në këtë gjendje të përgjithshme.
QEVERIA FEDERALE PRET RRITJE EKONOMIKE
Qeveria gjermane madje pret një recesion këtë vit, por është më optimiste se FMN-ja për rritjen ekonomike në vitin e ardhshëm. Sipas informacioneve të fundit,qeveria pret në vitin 2025 një rritje prej 1.1 për qind. I ngjashëm është edhe parashikimi i publikuar në fund të shtatorit nga Organizata e Kombeve Industriale OECD, e cila supozon rritje ekonomike prej 1.0 për qind. Perspektiva e FMN-së për ekonominë globale është disi më e mirë – por jo tepër e mirë. Pritet një rritje prej 3.2 për qind si këtë vit ashtu edhe vitin e ardhshëm. FMN-ja e quan parashikimin global “të qëndrueshëm, por jo shumë të madh” dhe paralajmëron për pasiguri dhe rreziqe.
PROBLEMET NË EUROZONË
India, Kina dhe SHBA vazhdojnë të jenë nxitësit e rritjes së ekonomisë globale. Perspektiva për Shtetet e Bashkuara pak para zgjedhjeve presidenciale është më e mirë se sa pritej më parë. Nga ana tjetër, Eurozona është vlerësuar më keq, për të cilën në radhë të parë, por jo vetëm, është përgjegjëse Gjermania. Për Francën, ekonominë e dytë më të madhe në euro, FMN uli parashikimin e saj të rritjes ekonomike për vitin e ardhshëm me 0.2 pikë në 1.1 për qind. Sipas ekspertëve, Italia, ashtu si Gjermania, vuan nga “dobësia e vazhdueshme në industri”.
FMN SHEH NJË ULJE TË INFLACIONIT
Problemi më i madh i ekonomisë globale kohët e fundit është inflacioni i lartë. Por gjendja ka ndryshuar. “Beteja globale kundër inflacionit duket se është fituar kryesisht”, tha kryeekonomisti i FMN-së, Pierre-Olivier Gourincha. Kulmi i inflacionit u arrit në tremujorin e tretë të 2022 me 9.4 për qind. Në fund të vitit të ardhshëm inflacioni duhet të jetë 3.5 për qind. Sipas tij, inflacioni është pak nën mesataren e viteve para pandemisë së koronës. Kjo hap hapësirë për ulje të normave të interesit.
Sipas tij, gjendja është më e mirë në vendet e industrializuara sesa në vendet në zhvillim. Gjithashtu, çmimet e shërbimeve janë pothuajse dy herë më të larta se para krizës së shkaktuar nga virusi korona. FMNja përmendi si rreziqe konfliktet gjeopolitike si ato në Ukrainë dhe Lindjen e Mesme. Sipas FMN-së, pasiguria është ende e lartë. “Tani është koha për të stabilizuar dinamikën e borxhit dhe për të rindërtuar shtresat mbrojtëse financiare”, tha Gourincha. (DW)
