Përmbytje në lindje të Australisë, humbin jetën 3 persona

Tre persona kanë humbur jetën për shkak të përmbytjeve të shkaktuara nga shirat e rrëmbyeshëm në rajonin Uellsi i Ri Jugor (NSW) në lindje të Australisë, transmeton Anadolu.

Sipas lajmit të ABC News, reshjet e dendura të shiut kanë ndërprerë jetën në shumë pjesë të NSW-së, duke shkaktuar përmbytje në përmasa të gjera.

Bëhet e ditur se u gjetën trupat e dy burrave dhe një gruaje, të moshës 30 dhe 63 vjeç, të cilët u rrëmbyen nga ujërat e përmbytjeve në rajon.

Për shkak të shirave të rrëmbyeshëm që kanë përmbytur shumë zona u lëshuan më shumë se 100 paralajmërime emergjence.

U lëshua urdhër evakuimi

Mijëra njerëz janë urdhëruar të evakuohen për shkak të përmbytjeve në lindje të Australisë.

Mijëra njerëzve u është kërkuar të evakuohen nga shtëpitë e tyre për shkak të përmbytjeve në rajonet Hunter Valley dhe Mid North Coast të NSW.

Më shumë se 4.000 familje në të gjithë rajonin kanë mbetur pa energji elektrike.