Migrantët në qytetin francez Dunkirk përballen me rreziqe të vazhdueshme shëndetësore
Migrantët që jetojnë në zonën e qytetit Dunkirk në Francën veriore vazhdojnë të përballen me rreziqe të rënda shëndetësore dhe të sigurisë për shkak të mungesës së shërbimeve bazë, raporton Anadolu.
Pavarësisht vendimit të marrë së fundmi nga Gjykata Administrative e qytetit Lille kundër shtetit francez për dështimin në ruajtjen e dinjitetit njerëzor ndaj personave të dëbuar në rajon, mungesa e qasjes së duhur në strehim, ujë, kanalizime dhe kujdes shëndetësor vazhdon t’i ekspozojë emigrantët ndaj rreziqeve të rënda shëndetësore dhe të sigurisë në zonën e qytetit Dunkirk.
Gjykata franceze vendosi që autoritetet nuk i kanë përmbushur detyrimet e tyre për të garantuar kushte të përshtatshme për emigrantët që jetojnë rreth qytetit Dunkirk, duke përmendur mangësitë në qasjen në strehim, ujë të pijshëm, kanalizime dhe kujdes shëndetësor.
