Largimi i palestinezëve nga Gaza drejt Afrikës së Jugut u koordinua ngushtë me autoritetet izraelite
Gjithçka filloi me një postim të shpallur nga organizata “Al-Majd Europe”, e cila premtonte të evakuonte në mënyrë të sigurt familjet palestineze jashtë Rripit të Gazës, ndaj shumë palestinezë plotësuan aplikimet e tyre dhe po presin një telefonatë nga organizata.
Situata në Gaza i ka detyruar palestinezët të paguajnë gjithçka që munden për t’u larguar nga territori. Ata kanë humbur gjithçka. Kanë humbur shtëpitë dhe besojnë se nuk kanë më të ardhme aty.
Por si u larguan këta palestinezë? Ata ishin në një autobus në zonën qendrore të Gazës kur morën një telefonatë disa orë para nisjes. Ata e kaluan të ashtuquajturën “vijë të verdhë” me bashkëpunimin e autoriteteve izraelite. Ky autobus më pas vazhdoi deri te pika kufitare Karem Abu Salem (Kerem Shalom për izraelitët) dhe pastaj drejt aeroportit Ramon në jug të Izraelit.
Të paktën 200 palestinezë janë vrarë që nga armëpushimi i tetorit vetëm duke u përpjekur të kalojnë vijën e verdhë, prandaj kjo nismë po koordinohet ngushtë me autoritetet izraelite për të mundësuar evakuimin e palestinezëve.
Duhet të kujtojmë se mijëra palestinezë, përfshirë fëmijë, kanë nevojë urgjente për evakuim mjekësor. Dhe forcat izraelite ua kanë mohuar këtë.
