Kryediplomatja e BE-së: Asnjë zgjidhje tjetër përveç zgjidhjes me 2 shtete për konfliktin izraelito-palestinez
Nuk mund të ketë zgjidhje tjetër përveç zgjidhjes me dy shtete për konfliktin izraelito-palestinez, tha sot shefja e politikës së jashtme të BE-së, Kaja Kallas, raporton Anadolu.
Duke folur në konferencën e përbashkët për shtyp pas një takimi të Këshillit të Asociimit BE-Izrael, Kallas tha: “Ne mbështesim Autoritetin Palestinez dhe kthimin e tij në Gaza. Mbështesim kthimin e çdo palestinezi të zhvendosur për të cilin Gaza është shtëpia e tyre”.
“Kur të vijë koha, BE-ja do të mbështesë gjithashtu rindërtimin e Gazës, së bashku me aktorët rajonalë. Palestinezët duhet të jenë në gjendje të jetojnë në Gaza”, theksoi kryediplomatja evropiane.
