Izraeli e sulmon më ashpër Gazën pas urdhrit të Gjykatës Ndërkombëtare për të ndalur operacionet

Izraeli kreu sulme në të gjithë Rripin e Gazës të shtunën dhe deri të dielën në mëngjes, ndërsa luftimet u ndezën midis ushtrisë dhe militantëve palestinezë.
Dëshmitarët raportuan bombardime të rënda në Rafah dhe sulme ajrore në vende të tjera në Rrip herët të dielën, sipas një gazetari të AFP në terren.
Dëshmitarët dhe ekipet e AFP raportuan sulme ose bombardime të shtunën në Rafah, në qytetin qendror Deir al-Balah, në qytetin e Gazës dhe kampin e refugjatëve Jabalia në veri.

Në qytetin e Gazës, një fotograf i AFP-së pa një grua të pikëlluar duke përqafuar një nga disa trupa të vdekurish, disa prej tyre fëmijë, të cilët ishin mbështjellë me pëlhurë të bardhë të njollosur me gjak dhe ishin shtrirë në tokë jashtë një klinike përpara së të varroseshin.

Ata u vranë në një sulm në një shkollë të kthyer në vendstrehim në Jabalia aty pranë, tha i afërmi Saleh al-Aswad për AFP.