Izrael Katz i drejtohet Hamasit: Pranoni armëpushimin ose përballuni me ‘shfarosje’
Ministri i Mbrojtjes së Izraelit, Israel Katz, deklaroi se Hamasi duhet të pranojë një propozim për armëpushim të paraqitur nga i dërguari amerikan Steve Witkoff ose përndryshe do të shkatërrohet, pasi grupi palestinez tha se marrëveshja nuk i plotëson kërkesat e tij.
“Vrasësit e Hamasit tani do të detyrohen të zgjedhin: të pranojnë kushtet e ‘Marrëveshjes Witkoff’ për lirimin e pengjeve – ose të shfarosen.”
Izraeli ka deklaruar vazhdimisht se shkatërrimi i Hamasit është një ndër synimet kryesore të luftës.
