Ish-ministri ukrainas i Energjisë arrestohet për korrupsion, tentoi të largohej nga vendi

Ish-ministri i energjisë në Ukrainë është ndaluar ndërsa po përpiqej të largohej nga vendi.
German Galushchenko, i cili u detyrua të largohej nga posti i tij vitin e kaluar pasi ishte midis zyrtarëve të përmendur në një skandal korrupsioni, thuhet se u arrestua ndërsa ishte në një tren që po largohej nga Ukraina. Nuk është e qartë se ku kishte ndërmend të udhëtonte.
Ai ishte një nga disa figura qeveritare të implikuara në një skemë të dyshuar për përvetësim prej 100 milionë dollarësh (75 milionë paund) në nëntor.

Shefi i shtabit të Zelensky-t, Andriy Yermak, këshilltari më i ngushtë i Zelenskyt gjatë gjithë luftës dha dorëheqjen pasi u kontrollua shtëpia e tij.

Megjithatë, skandali ka rritur presionin nga SHBA-të për të mbajtur zgjedhje, të cilat janë pezulluar që nga fillimi i luftës në vitin 2022 për shkak të dispozitave në kushtetutën e Ukrainës.

Byroja Kombëtare Kundër Korrupsionit e Ukrainës (Nabu) tha në një deklaratë të dielën se detektivët e saj kishin ndaluar ish-ministrin e energjisë “ndërsa po kalonte kufirin shtetëror”, si pjesë e çështjes Midas.
Galushchenko ishte për një kohë të shkurtër ministër i drejtësisë, një post që e mbajti deri kur Zelensky i tha të jepte dorëheqjen në nëntor, pasi kishte shërbyer si ministër i energjisë për tre vjet më parë. Pasardhësja e tij, Svitlana Hrynchuk, gjithashtu dha dorëheqjen pasi u përfshi në skandal.

Nabu nuk dha detaje të mëtejshme mbi ndalimin e Galuschenkos, por tha se do të japë përditësime në kohën e duhur.