Irani shqyrton “propozime të reja nga SHBA”, por thotë se nuk do të bëjë kompromis në bisedime
Irani ka bërë të ditur se po shqyrton propozime të reja nga Shtetet e Bashkuara, ndërsa ka sinjalizuar një qëndrim të ashpër në bisedimet në vazhdim.
Në një deklaratë, Këshilli Suprem i Sigurisë Kombëtare tha se “propozime të reja janë paraqitur nga amerikanët” ditët e fundit, duke shtuar se Teherani është ende duke i analizuar ato dhe nuk ka dhënë ende një përgjigje.
Këshilli theksoi se shefi i ushtrisë së Pakistanit ka qenë në Teheran duke vepruar si ndërmjetës në këto diskutime.
Pavarësisht këtij kanali diplomatik, Irani nënvizoi se qëndrimi i tij mbetet i palëkundur. Ai tha se ekipi negociator “nuk do të bëjë as kompromisin më të vogël, tërheqje apo lëshim, dhe do të mbrojë me të gjitha forcat interesat e kombit iranian”.
