Emrat e qindra pjesëtarëve të “FBI-së greke” rrjedhin në internet
Emrat dhe numrat e regjistrimit të 554 oficerëve grekë nga Drejtoria për Luftën kundër Krimit të Organizuar (DAOE) janë zbuluar në internet, njoftuan mediat lokale të enjten.
DAOE, e quajtur “FBI greke”, u krijua kohët e fundit në Greqi për të luftuar krimin e organizuar.
Sipas të përditshmes greke Avgi, emrat e oficerëve të DAOE që shërbenin në kryeqytetin e Athinës dhe qytetin port verior të Selanikut u zbuluan në internet.
Sindikata e Punonjësve të Policisë së Athinës denoncoi rrjedhjen dhe kritikoi Ministrinë e Mbrojtjes së Qytetarëve për “heshtje” për këtë çështje.
Sipas raportimeve të mediave, ministria ka nisur një hetim për ngjarjen. /AA