CEO i Mercedes-Benz bën thirrje për marrëveshje BE-Kinë për makinat elektrike
CEO i Mercedes-Benz, Ola Källenius, i bëri thirrje BE-së dhe Kinës që të arrijnë një marrëveshje të drejtë tregtare për makinat elektrike, duke paralajmëruar se tarifat – që aktualisht arrijnë deri në 45.3% – janë një “instrument i papërpunuar”, shkruan Reuters.
Duke folur në Panairin e Automjeteve në Shanghai, ai u shpreh në favor të zgjidhjeve të negociuara, si angazhimet për çmime minimale, duke thënë:
“Na duhen zgjidhje ku të fitojnë të dyja palët, jo proteksionizëm.”
Sipas raportimeve, Brukseli dhe Pekini janë në bisedime për të zëvendësuar tarifat me angazhime për çmime minimale për importet e makinave elektrike kineze.
