Bekim Sali: Prespa drejt UNESCO-s, mbështetje evropiane për trashëgiminë dhe turizmin e qëndrueshëm
Zëvendëskryeministri Bekim Sali ka përshëndetur bashkëpunimin ndërmjet Maqedonisë së Veriut, Shqipërisë dhe Greqisë për kandidaturën e përbashkët të Prespës në UNESCO. Ai theksoi se mbështetja evropiane për studimin përgatitor përbën një hap drejt mbrojtjes së trashëgimisë së përbashkët dhe zhvillimit të turizmit të qëndrueshëm.
“Mirëpres bashkëpunimin ndërmjet Maqedonisë së Veriut, Shqipërisë dhe Greqisë për kandidaturën e përbashkët të Prespës në UNESCO. Mbështetja evropiane e njoftuar për studimin përgatitor është një hap drejt mbrojtjes së pasurisë sonë të përbashkët. Ky bashkëpunim mund të ndihmojë zhvillimin e turizmit të qëndrueshëm dhe të krijojë mundësi për komunitetet lokale”, ka shkruar Sali.
