Behar Emini në Berlin, merr pjesë në konferencën ndërkombëtare për sigurimin e depozitave
Drejtori i Fondit për Sigurimin e Depozitave të Maqedonisë së Veriut, Behar Emini, po merr pjesë në Konferencën Vjetore të Asociacionit Ndërkombëtar të Siguruesve të Depozitave (IADI), që po mbahet në Berlin të Gjermanisë. Konferenca i kushtohet modernizimit të sigurimit të depozitave në epokën digjitale.
Gjatë konferencës, Emini ka shkëmbyer përvoja dhe pikëpamje me Marija Hrebac, drejtoreshë ekzekutive e Agjencisë Kroate për Sigurimin e Depozitave, si dhe me Elif Kösoğlu, përfaqësuese e Fondit për Sigurimin e Depozitave të Turqisë (TMSF).
Në postimin e tij, Emini theksoi rëndësinë e bashkëpunimit ndërkombëtar dhe shkëmbimit të praktikave të mira për forcimin e kapaciteteve institucionale, mbrojtjen e depozituesve dhe ruajtjen e stabilitetit financiar.
