NATO vijon mbështetjen për Ukrainën, shtetet anëtare synojnë t’i japin 50 mld dollarë ndihma ushtarake

Anëtarët e NATO-s synojnë të shpenzojnë 50 miliardë dollarë të tjerë për ndihmë ushtarake për Ukrainën dhe të barazojnë kontributet e tyre nga viti i kaluar, tha një zyrtar i lartë për gazetën italiane Corriere della Sera.
Kryetari i Komitetit Ushtarak të bllokut, Giuseppe Cavo Dragone, deklaroi se vendet e NATO-s kanë siguruar tashmë më shumë se 33 miliardë dollarë që nga janari dhe planifikojnë ta rrisin totalin në 50 miliardë dollarë deri në fund të vitit.