Mexhiti: Interkonektori me Greqinë, hap i rëndësishëm drejt forcimit të sigurisë energjetike!

Zëvendëskryeministri i parë, Izet Mexhiti thotë se interkonektori i gazit me Greqinë nuk është vetëm projekt infrastrukturor, por një mesazh i qartë se vendi e di se çfarë të ardhmeje po ndërton. Mexhiti tha se ndërtimi i këtij interkonektori është hap i rëndësishëm drejt forcimit të sigurisë energjetike.
Shkrimi i Mexhitit:

Hap i madh për sigurinë energjetike

Sot shënojmë fillimin e një kapitulli të ri dhe strategjik për Maqedoninë e Veriut.

Ndërtimi i interkonektorit me Greqinë është një hap i rëndësishëm drejt forcimit të sigurisë energjetike dhe zhvillimit të qëndrueshëm. Ky projekt na lidh me rrjetin rajonal të energjisë dhe hap mundësi të reja për furnizim të sigurt dhe të qëndrueshëm me gaz natyror.
Përfitimet janë të qarta dhe konkrete. Përmes gazifikimit, do të zëvendësohen burimet më ndotëse të energjisë si druri, mazuti dhe qymyri me gazin natyror, një alternativë më e pastër, më efikase dhe më e sigurt për mjedisin dhe shëndetin publik.

Kjo do të përkthehet në ajër më të pastër, ulje të nivelit të grimcave PM, komuna më të shëndetshme dhe kushte më të mira jetese për qytetarët tanë.

Njëkohësisht, projekti do të ndikojë drejtpërdrejt në uljen e kostove për familjet dhe bizneset, duke rritur njëkohësisht sigurinë energjetike të vendit.

Po ndërtojmë të ardhmen me hapa konkretë. Të ardhmen që VLEN!