Trump: Arrihet marrëveshja e armëpushimi mes Izraelit dhe Iranit

Presidenti Donald Trump njoftoi të hënën në mbrëmje në një postim në rrjetet sociale atë që ai e quajti “një armëpushim të plotë dhe të përgjithshëm” midis Izraelit dhe Iranit, për të cilin shprehu shpresën se do të bëhet i përhershëm. Sipas presidentit, armëpushimi do të nisë përafërsisht pas gjashtë orësh.

“Është rënë plotësisht dakord midis Izraelit dhe Iranit që do të ketë një ARMËPUSHIM TË PLOTË DHE TË GJITHANSHËM (pas afërsisht 6 orësh nga tani, kur Izraeli dhe Irani të kenë përfunduar misionet e fundit në zhvillim!), për 12 orë, pas së cilës LUFTA do të konsiderohet E MBYLLUR,” shkroi presidenti në rrjetet sociale.

As Irani dhe as Izraeli nuk kanë dhënë ndonjë koment zyrtar në lidhje me një armëpushim të mundshëm. Sipas postimit të presidentit, armëpushimi do të zbatohet me faza gjatë 24 orëve të ardhshme.

“Irani do ta nisë zyrtarisht ARMËPUSHIMIN dhe, pas Orës së 12-të, Izraeli do të nisë ARMËPUSHIMIN dhe, pas Orës së 24-t, do të përshëndetet zyrtarisht FUNDI i LUFTËS 12-DITORE nga e gjithë bota. Gjatë çdo faze të ARMËPUSHIMIT, pala tjetër do të qëndrojë PAQËSORE dhe ME RESPEKT,” shkroi presidenti.

Në një intervistë për Fox News që filloi menjëherë pas njoftimit të presidentit, nënpresidenti JD Vance lavdëroi Trump-in për arritjen e marrëveshjes.

“Ne po punonim për këtë marrëveshje pikërisht në momentin që dola nga Shtëpia e Bardhë për të ardhur këtu. Pra, është një lajm i mirë që presidenti arriti ta çonte deri në fund këtë marrëveshje,” tha Vance.

Ai shtoi se kishte lexuar një version paraprak të postimit të Trump “dy minuta para se të dilnim në transmetim” dhe se ai ishte “pak më ndryshe nga ajo që presidenti më kishte treguar disa orë më parë. Por e dija që ai ishte në telefon duke punuar, ndërsa unë isha në rrugë për këtu.”

“Irani është i paaftë të ndërtojë një armë bërthamore me pajisjet që ka, sepse ne i kemi shkatërruar ato,” shtoi Vance.

CNN ka kontaktuar Shtëpinë e Bardhë për më shumë informacion rreth armëpushimit.

( @realDonaldTrump – Truth Social Post )
( Donald J. Trump – Jun 23, 2025, 6:02 PM ET )

CONGRATULATIONS TO EVERYONE! It has been fully agreed by and between Israel and Iran that there will be a Complete and Total CEASEFIRE (in approximately 6 hours from now, when Israel and Iran… pic.twitter.com/lWdRKVoZGI

— Donald J. Trump 🇺🇸 TRUTH POSTS (@TruthTrumpPosts) June 23, 2025