Irani thotë se ka goditur një qendër të Mossad-it
Garda Revolucionare e Iranit ka deklaruar se ka goditur Drejtorinë e Inteligjencës Ushtarake të Izraelit si dhe një qendër operative të Mossadit, agjencisë izraelite të inteligjencës, në qytetin Herzliya.
Shpërthime të fuqishme u raportuan në qytetin qendror izraelit këtë mëngjes, ndërsa pamjet nga vendi i ngjarjes tregojnë një kolonë të madhe tymi që ngrihet nga një ndërtesë.
Ekipet e mediave ndërkombëtare nuk u lejuan të afrohen në zonën e shpërthimit, pasi autoritetet izraelite thanë se objekti i përket ushtrisë, pa dhënë detaje të mëtejshme.
