Murtezani në Bruksel: Takim me kryetarin e KESE Oliver Ropke
Ministri i Çëshjeve Evropiane, Orhan Murtezani gjatë vizitës së tij në Bruksel ka zhvilluar takim me kryetarin e Komitetit Ekonomik dhe Social Evropian, Oliver Ropke.
Njoftimi i plotë i ministrit Murtezani:
Integrimi evropian nuk është vetëm proces institucional, por transformim që kërkon pjesëmarrje aktive të të gjitha segmenteve të shoqërisë.
Në takimin me Kryetarin e Komitetit Ekonomik dhe Social Evropian, Oliver Ropke, diskutuam rëndësinë e sektorit të shoqërisë civile, sindikatave dhe odave ekonomike në këtë proces.
Maqedonia e Veriut tashmë ka mekanizëm për përfshirjen e shoqërisë civile, por nevojitet bashkëpunim më konkret me institucionet evropiane për përforcimin e mëtejshëm të këtij procesi.
