OKB: Mbi 473 milionë fëmijë në mbarë botën jetojnë në zonat e prekura nga konflikti
Kombet e Bashkuara (OKB) njoftuan se më shumë se 473 milionë fëmijë në mbarë botën jetojnë në zonat e prekura nga konflikti, transmeton Anadolu.
Zyra e OKB-së në Gjenevë, nga llogaria e saj X, ndau një postim në lidhje me fëmijët që jetojnë në zonat e konfliktit.
Në postim vihet në dukje se më shumë se 473 milionë fëmijë në mbarë botën (më shumë se 1 nga 6 fëmijët në të gjithë botën) jetojnë në zonat e prekura nga konflikti, ndërsa theksohet se “proporcioni i fëmijëve të prekur nga konflikti pothuajse është dyfishuar që nga vitet 1990”.
