Ç’po ndodh në Francë? Goma të djegura, rrugë të bllokuara

Qindra taksi bllokuan unazën në Paris, kryeqytetin francez, dhe Porte Maillot midis La Défense dhe Harkut të Triumfit të martën, më 3 dhjetor, në shenjë proteste kundër tarifave më të ulëta për transportin mjekësor.

Demonstruesit i vunë flakën gomave në unazën dhe në Porte Maillot ndërsa policia ndërhyri për të kufizuar aksesin e taksistëve në Champs-Elysees.

Qindra taksistë protestuan të hënën në rajonin Auvergne-Rhone-Alpes të Francës për ndryshimin e tarifave, duke shkaktuar ndërprerje të trafikut.

Të bllokuara janë edhe rrugët drejt qytetit të Lionit.

Taksistët që protestojnë kundër ndryshimit të tarifave në transportin mjekësor kanë bërë me dije se protestat e tyre mund të vazhdojnë gjatë gjithë javës.

Franca njihet për llojin e protestave me zjarr e flakë, pavarësisht arsyeeve pse protestohet.