Sekuestrohen 13 tonë kokainë të fshehura mes bananesh në Spanjë

Autoritetet në Spanjë kanë sekuestruar 13 tonë kokainë në kontejner mallrash të mbushur me banane, në atë që e kanë quajtur operacionin më të madh kundër narkotikëve në vend.

Zyrtarët gjerën pako me drogë të fshehura pas frutave në një anije në portin Algeciras. Anija kishte lundruar nga Guayaquil, Ekuador, raportoi AP.

Operacioni, në bashkëpunim me policinë ekuadoriane, ndodhi muajin e kaluar dhe rezultoi në pesë bastisje dhe pesë të arrestuar.

Kompania ekuadoriane e eksportit ishte në të dhënat e policisë për histori “trafiku të paligjshëm” dhe policia po kërkon dy drejtuesit e saj.

Deri sot, sekuestrimi më i madh i drogës në Spanjë ishte 9.4 tonë më 2023, dhe 8.7 tonë pesë vjet më parë.