Arrestime gjithandej të atyre që merren me blerjen dhe shitjen e votave
Ministria e Punëve të Brendhsme ka njoftuar për aktivitetet që ka ndërmarre kundër personave që kanë tentuar të manipulojnë procesin zgjedhor në mënyra të ndryshme, ndërsa vetëm gjatë ditës së djeshme janë shënuar katër raste për tentim të blerjes së votës për të cilat policia ka ndërhyrë dhe personat janë arrestuar.
Gjatë heshtjes parazgjedhore janë regjistruar disa ngjarje, për të cilat janë marrë masat përkatëse nga punonjësit e policisë.
Disa persona janë paraqitur si anëtar të KSHZ-së dhe kanë tentuar të manipulojnë votën e një personi të moshuar.
“Më datë 07.05.2024 E.D. nga Krnjeva ka raportuar se tre persona nga KSHZ-ja kanë ardhur në shtëpi, me qëllim që gjyshi i tij të ushtrojë të drejtën e votës nga vendvotimi nr. 2828. E.D. ka dyshuar se nuk ishin personat e KSHZ-së, sepse ata nuk ishin njoftuar paraprakisht dhe duhej të ishin të pranishëm pesë persona. SPB Shkup ka marrë masa dhe aktivitete për pastrimin e ngjarjes”, thuhet në njoftimin e MPB-së.
Gjithashtu policia ka arrestuar tre persona nga kriva Pallanka të cilët kanë tentuar të ndikojnë në përcaktimin e votuesve duke shpërndarë bono për mbushje të karburantit në një pikë karburanti.
“Me datë 07.05.2024, në koordinim me Prokurorinë Themelore Publike – Kumanovë, janë ndërmarrë veprime lidhur me një ngjarje ku një person nga Kriva Pallanka ka shpërndarë bono për mbushjen e karburantit në një pikë karburanti për disa qytetarë nga Kriva Pallanka. Në ambientet e pikës së karburantit është ushtruar kontroll, ku në prani të J.J. dhe M.G. janë gjetur pesë kupona për derivate në vlerë prej 1.000 denarë me datë të vulosur 05.08.2024 dhe një kupon për derivate në vlerë prej 2.000 denarë, gjashtë kupona fiskale, ndërsa në çantën e mbajtur nga punonjësi janë gjetur dy kupona me vlerë 1.000 denarë dhe një llogari fiskale. B.S., S.M., M.G. dhe M.D janë thirrur në ambientet e SPB Kriva Pallankë, të gjithë nga Kriva Pallanka për shkak të intervistimit zyrtar dhe po merren masa për zbardhjen e rastit”, njofton MPB.
Në Tetovë policia po heton një rast të dëmtimit të materialit reklamues.
“Më 07.05.2024 në ora 18:25, në rrugën “Marshal Tito” në Tetovë, A.K. (24) nga fshati Strimnicë ka raportuar se janë dëmtuar dy pankarta me material reklamues të një partie politike, të cilat ishin vendosur në rrethrrotullimin nga rruga “V.S.Bato” me ul. “Marshalli Tito” në Tetovë. Po merren masa për zbardhjen e rastit”, thonë nga MPB.
Gjithashtu gjatë ditës së djeshme një persona në Negotinë ka tentuar që përmes shantazhit të ndikojë në përcaktimin e një personi për të vitruar.
“Më datë 07.05.2024 ora 22:10, C.T. nga Negotino ka ngritur kallëzim penal me akuzën për “shkelje e lirisë së përcaktimit të votuesve”, të kryer nga L.R. nga Negotino. Gjegjësisht, sipas raportit, rreth orës 20:17, C.T. mori një telefonatë nga LR. për mbështetjen e votimit, të cilit C.T. ajo i është përgjigj negativisht. Pastaj L.R. di ka thënë C.T. se ajo kishte marrë fonde IPARD, pas së cilës ajo e ka ndërprerë telefonatën. Për ngjarjen është njoftuar prokurori publik kompetent dhe do të kryhen kontrolle shtesë”, njoton MBP-ja.
Nga MPB shtojnë se në afërsi të vendvotimit 1180 në NJQ “Hristian T. Karposh” në fshatin Dragomancë, komuna e Staro Nagoriçanit, janë vërejtur fletëpalosje të shpërndara nga një parti politike. “Fletëpalosjet janë hequr”, thonë nga MPB.
Gjatë heshtjes zgjedhore janë raportuar disa raste të gjoja agjitacion dhe ofertë ryshfeti, për të cilat policia ka intervenuar por ende nuk ka njoftime për masa shtesë ndaj personave të ndaluar.
