BE do të fillojë punën për zgjerimin e sanksioneve ndaj Iranit, thotë Borrell
Shefi i politikës së jashtme të Bashkimit Evropian Josep Borrell ka paralajmëruar nisjen e një plasi për zbatim sanksionesh kundër Iranit, pas sulmit ndaj Izraelit.
Gjermania, Franca dhe disa anëtarë të tjerë të BE-së e kanë mbështetur publikisht një propozim të tillë.
Borrell tha se ai e mbështeti propozimin dhe diplomatët do të punonin mbi të në ditët në vijim, në mënyrë që ministrat të mund ta diskutonin përsëri në një takim në Luksemburg të hënën.
Ai tha se disa anëtarë të BE-së ngritën gjithashtu mundësinë e sanksionimit të forcës ushtarake dominuese të Iranit, Korpusit të Gardës Revolucionare.
Por Borrell përsëriti qëndrimin e BE-së se trupi mund të caktohet si një organizatë terroriste vetëm nëse një autoritet kombëtar në BE zbulon se grupi ka qenë i përfshirë në aktivitet terrorist.
Ai tha se BE-ja nuk ishte në dijeni të ndonjë rasti të tillë, por ai do t’i kërkonte shërbimit diplomatik të BE-së që ta shqyrtojë çështjen përsëri.
Borrell tha se të gjithë ministrat nga 27 vende të BE-së dënuan me forcë sulmin iranian dhe riafirmuan angazhimin e tyre për sigurinë e Izraelit.
Por ai shprehu gjithashtu kritika të forta për sjelljen e Izraelit ndaj luftës në Gaza, e nisur si përgjigje ndaj sulmit të Hamasit ndaj Izraelit më 7 tetor vitin e kaluar.
