BNJVL: Dënojmë ashpër sulmin e armatosur ndaj kryetarit të Haraçinës

Bashkësia e njësive të vetëqeverisjes lokale të Republikës së Maqedonisë së Veriut – BNJVL dënon sulmin e armatosur ndaj kryetarit të Komunës së Haraçinës, Ridvan Ibraimi, i cili ndodhi dje në territorin e kësaj komune, raporton Alfax.

„Të gjithë kryetarët e bashkive shprehim keqaardhjen tonë për familjet e punonjësve të bashkisë që shoqëronin kryetarin në momentin e aktit të rëndë dhe ju urojmë shërim të shpejtë. Kjo nuk është hera e parë që të kërcënohet jeta e një kryetari bashkie në vendin tonë, pikërisht gjatë kryerjes së detyrës. Për këtë arsye kërkojmë nga institucionet kompetente që të marrin të gjitha masat e nevojshme për ndriçimin e rastit në mënyrë që kjo të mos përsëritet më. Edhe një herë, dënojmë ashpër këtë praktikë të dhunshme të shprehjes së pakënaqësisë për punën e kryetarit të bashkisë dhe kërkojmë që të na lejohet të ushtrojmë kompetencat tona përmes procedurave dhe proceseve institucionale”, thuhet në reagimin e BNJVL-së, raporton Alfax.

BNJVL mbetet e përkushtuar për thellimin e procesit të decentralizimit në vendin tonë dhe zbatimin e kompetencave të reja nga njësitë e vetëqeverisjes lokale që do të realizohen përmes proceseve të përcaktuara me ligj dhe në mënyrë transparente, me mbështetje dhe në interes të qytetarëve, vazhdojnë nga BNJVL.