VLEN: Sela dhe Lloga kanë kohë deri të shtunën të ndërrojnë mendje!

Nga kolaicioni opozitar shqiptar VLEN i kanë dhënë kohë deri të shtunënë Ziadin Selës dhe Krenar Llogës që të vendosin të dalin vetë në zgjedhje dhe si këmbim Arben Taravari të ua dorëzoje vulat e partisë siç edhe deklaroi ditë më parë.Sipas VLEN-it, Sela dhe Lloga dolën me një alibi të lirë për të shkuar kundër vullnetit të shumicës së shqiptarëve.

“Arben Taravari ua ofroi publikisht vulat e Aleancës për Shqiptarët, nëse vërtet vendosin të garojnë vetëm në zgjedhje. Zijadin Sela nuk deklarohet për këtë ofertë sepse e dimë se prej kohësh ka rënë dakord që t’i shërbejë ekskluzivisht interesave të Ali Ahmetit. Prandaj shkaktoi përçarjen në ASH. Na vjen keq sinqerisht që Sela dhe Lloga i vendosën interesat e tyre personale para interesave të shqiptarëve, të cilët janë të vendosur qartë dhe pa mëdyshje ta dërgojnë BDI-në në opozitë. Ata kanë kohë deri të shtunën, nëse rastësisht ndryshojnë mendje, do të marrin vulat e ASH-së për listat e deputetëve për të performuar vetë”, thonë nga VLEN-i.