Mickoski: Ahmeti le ta shpallë publikisht kandidaturën për president

Kreu i VMRO-DPMNE-së Hristijan Mickoski, i ka bërë thirrje liderit të BDI-së Ali Ahmeti të përfshihet në garë për president të shtetit.

“Nuk do të komentoja zhvillimet në partitë e tjera. Dëgjova për këtë mundësi gjatë ditës së djeshme. E inkurajoj zotin Ahmeti që të përfshihet në një garë të tillë për president”, deklaroi Mickoski.

Mickoski gjithashtu i bëri thirrje dhe këshilloi Ahmetin që të mos fshihet pas teksteve të porositura që paguhen me para publike nga zyra e bashkëpunëtorit të tij më të afërt.