Klinika për Sëmundje të Fëmijëve: Sigurohet terapia “Trikafta” për të gjithë pacientët me fibrozë cistike
Është siguruar terapia moderne moduluese “Trikafta” për të gjithë pacientët me fibrozë cistike, të cilët kanë indikacionin përkatës mjekësor, njoftuan nga Klinika për Sëmundje të Fëmijëve.
“Që nga ky vit, gjithsej 126 pacientë në vendin tonë, mbi moshën dyvjeçare, të cilët i plotësojnë kriteret mjekësore, do të kenë qasje në terapinë moderne dhe të targetuar. Ky është një hap i rëndësishëm përpara në trajtimin e fibrozës cistike në vendin tonë”, thuhet në njoftimin e Klinikës.
