Amir Elezi: Drejtori Zllatko Perinski dhe zëvendësdrejtori Sedat Bislimi iu bashkuan punonjësve të Fondit të Sigurimit Shëndetësor në aksionin e dhurimit të gjakut

Drejtori i Institutit për Mjekësi Transfuzive, Amir Elezi, ka bërë të ditur se udhëheqësia e Fondit të Sigurimit Shëndetësor, e përfaqësuar nga drejtori Zllatko Perinski dhe zëvendësdrejtori Sedat Bislimi, iu bashkua sot punonjësve të institucionit në aksionin e dhurimit të gjakut.

Përmes këtij aktiviteti humanitar, punonjësit e institucionit dëshmuan solidaritet dhe përkushtim ndaj pacientëve që kanë nevojë për gjak.

Elezi theksoi rëndësinë e dhurimit të gjakut, duke vënë në pah se çdo dhurim përfaqëson një mundësi për të ndihmuar pacientët në nevojë dhe për të shpëtuar jetë njerëzore.

Në këtë rast, u shpreh mirënjohje për të gjithë punonjësit për solidaritetin dhe humanizmin e treguar, duke theksuar se kujdesi për të tjerët është një vlerë që i bashkon njerëzit rreth një qëllimi të përbashkët: shpëtimit të jetëve njerëzore.