Kërkoi ryshfet për punësim, kapet dhe arrestohet me para të përpunuara shoferi i Igor Janushevit

Shoferi i sekretarit të përgjithshëm të Qeverisë, Igor Janushevit, është arrestuar pasi dyshohet se ka kërkuar para në këmbim të ndërmjetësimit për punësim.
Sipas informacioneve të publikuara nga Plusinfo, shoferi i Janushevit dyshohet se ka kërkuar ryshfet për të siguruar një vend pune.
Pas marrjes së informacionit, policia ka organizuar një aksion të posaçëm. Shoferit i janë dhënë bankënota të shënuara, të cilat më pas janë përdorur si provë gjatë arrestimit.
Ai është ndaluar nga policia menjëherë pas marrjes së parave dhe është dërguar në mbajtje.
Rasti pritet të hetohet më tej nga autoritetet kompetente, ndërsa duhet të përcaktohet nëse dhe për kë ka vepruar i dyshuari në kërkimin e parave për punësim.