Tregtia dypalëshe mes Turqisë dhe Sirisë arrin në 3.75 miliardë dollarë
Ministri turk i Tregtisë, Omer Bolat, ka bërë të ditur se vëllimi i tregtisë dypalëshe mes Turqisë dhe Sirisë arriti në 3.75 miliardë dollarë në vitin 2025, duke shënuar rritje prej 42 për qind krahasuar me një vit më parë, transmeton Anadolu.
Bolat mori pjesë në një takim biznesi në Halep së bashku me zyrtarë turq dhe sirianë, ligjvënës dhe investitorë.
Ministri turk theksoi se ishte rikthyer në Halep pas më shumë se 22 vjetësh, duke kujtuar se vizitën e fundit e kishte zhvilluar në dhjetor të vitit 2004 së bashku me presidentin Recep Tayyip Erdogan.
Bolat deklaroi se të dy vendet kanë shënuar përparim pozitiv pas tre takimeve me ministra sirianë gjatë muajit të fundit.
Ai theksoi se më 8 dhjetor 2024 ra një regjim despotik, duke i mundësuar Sirisë së re të vazhdojë rrugën e saj si shtet i pavarur.
Ai shtoi se qeveria turke po punon sipas udhëzimeve të Erdoganit për të maksimizuar kontributin e saj në rindërtimin dhe stabilitetin ekonomik të Sirisë.
Bolat theksoi se Siria vazhdon të rindërtojë strukturën e saj shtetërore në të gjithë sektorët, pavarësisht embargove perëndimore dhe presionit ushtarak izraelit gjatë 20 muajve të fundit.
