Grupi terrorist YPG në Siri njofton shpërbërjen
Grupi terrorist YPG njoftoi të martën se e ka shpërbërë të ashtuquajturën administratë autonome, si dhe të gjitha strukturat e tij ushtarake dhe civile, transmeton Anadolu.
Ferhat Abdi Sahin, një nga drejtuesit e grupit, i cili përdor emrin e koduar Mazloum Abdi, e bëri njoftimin para gazetarëve në Pallatin e Popullit në kryeqytetin sirian.
“Pas marrëveshjes së arritur me presidentin Ahmed al-Sharaa dhe përfundimit të procesit të integrimit të forcave tona në brigadat e ushtrisë siriane, sot, me një ndjenjë të madhe përgjegjësie, njoftojmë se po shpërbëhemi si forcë e pavarur ushtarake”, tha Sahin.
Administrata siriane dhe grupi terrorist YPG arritën një marrëveshje të re më 29 janar, e cila parashikonte një armëpushim dhe integrimin gradual të organizatës në institucionet shtetërore.
