Bastisje në Strumicë, gjendet armë dhe municion, arrestohet një 58-vjeçar
Një person është privuar nga liria gjatë një bastisjeje të kryer nga policia në Strumicë, ku janë gjetur armë dhe sasi e konsiderueshme municioni.
Sipas njoftimit të Ministrisë së Punëve të Brendshme, më 21 gusht 2026, në orën 06:30, zyrtarë policorë të SPB Strumicë kanë privuar nga liria Gj.R. (58) nga Strumica.
“Gjatë kontrollit në shtëpinë e tij, të kryer me urdhër gjyqësor, janë gjetur një pistoletë ‘Crvena Zastava’, kalibër 9 mm, 187 copë municion për pistoletë, 40 copë municion për pushkë, dy karikatorë për pistoletë dhe një pushkë ajrore”, thuhet në komunikatën e MPB-së.
Sipas policisë, ekziston dyshimi i bazuar se armët dhe municioni i gjetur i përkisnin djalit të tij, D.R. (33), i cili i posedonte pa dokumentacion përkatës.
Për rastin është njoftuar prokurori publik nga Prokuroria Themelore Publike në Strumicë.
“Pas dokumentimit të plotë të rastit, do të parashtrohet kallëzim penal”, njoftoi Ministria e Punëve të Brendshme.
