Ministri i Jashtëm turk bisedon me homologët nga Katari dhe Siria
Fidani diskutoi situatën në Ngushticën e Hormuzit me Sheikh Mohammed, ndërsa me Shaibanin shqyrtoi zhvillimet e fundit rajonale.
Ministri i Jashtëm i Turqisë, Hakan Fidan, zhvilloi biseda të ndara telefonike me kryeministrin dhe ministrin e Jashtëm të Katarit, Sheikh Mohammed bin Abdulrahman Al Thani, si dhe me ministrin e Jashtëm sirian, Asaad Hassan al-Shaibani, njoftuan burime nga Ministria e Jashtme.
Me Sheikh Mohammed, Fidan diskutoi situatën në Ngushticën e Hormuzit, ndërsa me Shaibanin shqyrtoi zhvillimet e fundit në rajon, shtuan burimet.
Nuk u dhanë menjëherë detaje të tjera lidhur me bisedat.
