OBSh-ja: Mijëra pacientë në Gaza ende presin evakuim mjekësor

Mijëra pacientë në Rripin e Gazës janë ende në pritje të evakuimit mjekësor pavarësisht armëpushimit, tha sot zëdhënësi i Organizatës Botërore të Shëndetësisë (OBSh), Tarik Jashareviq.

Në një përgjigje me shkrim për Anadolu-n, Jashareviq tha se 12.913 pacientë, përfshirë 6.186 fëmijë, ishin evakuuar nga Gaza që nga tetori i vitit 2023, së bashku me rreth 16 mijë shoqërues.

Ai tha se evakuimet mjekësore po bëhen aktualisht tre deri në katër herë në javë. “Javën e kaluar, nga 2 deri më 8 gusht, 101 pacientë dhe 164 shoqërues u evakuuan”, tha Jashareviq duke theksuar se mijëra pacientë janë ende në pritje të evakuimit mjekësor.

Ministria e Shëndetësisë e Gazës tha më parë se që nga hyrja në fuqi e armëpushimit më 10 tetor 2025, sulmet izraelite kanë vrarë 1.258 njerëz dhe kanë plagosur 4.145 të tjerë.

Ministria tha se numri i përgjithshëm i të vdekurve nga sulmet izraelite në Rripin e Gazës që nga tetori i vitit 2023 ka arritur në 73.386 me 174.256 të plagosur.