Në 6 muajt e parë të 2026, Maqedoninë e Veriut më së shumti e vizituan turistë turq
Në 6 muajt e parë të vitit 2026, Maqedoninë e Veriut më së shumti e vizituan turistë turq.
Sipas informacionit që Anadolu ka përpiluar nga uebfaqja e Entit Shtetëror të Statistikave të Maqedonisë së Veriut, gjithsej 518.035 turistë të huaj vizituan vendin në 6 muajt e parë të vitit 2026.
Në të njëjtën periudhë të vitit të kaluar, vendin e vizituan 395.555 turistë të huaj, që përbën një rritje prej 30,96 për qind këtë vit. Në janar në vend erdhën 52.943 turistë të huaj, në shkurt 48.654, në mars 73.921, në prill 97.358, në maj 131.723 dhe në qershor 113.436.
Sipas të dhënave, gjatë periudhës në fjalë vendi u vizitua më së shumti nga turistët turq. Në 6 muajt e parë të vitit, Maqedoninë e Veriut e vizituan 91.910 turistë turq.
Prej tyre, 6.732 e vizituan Maqedoninë e Veriut në janar, 5.011 në shkurt, 9.090 në mars, 11.826 në prill, 34.681 në maj dhe 24.570 në qershor. Gjatë kësaj periudhe, pas turistëve turq, vendin e vizituan më së shumti turistë gjermanë, serbë, grekë dhe bullgarë.
