Siri, 5 të vrarë dhe 16 të plagosur nga shpërthimi i një bombe në një kafene në Damask
Autoritetet e shëndetësisë së Sirisë kanë bërë të ditur se të paktën 5 persona janë vrarë dhe 16 të tjerë janë plagosur nga shpërthimi i një bombe në një kafene në qendër të kryeqytetit Damask, transmeton Anadolu.
Ministria e Shëndetësisë e Sirisë për Alikhbariah TV tha se shpërthimi u shkaktua nga një mjet shpërthyes i vendosur brenda kafenesë në rrugën Al-Nasr, pranë Pallatit të Drejtësisë.
