Prishtinë, komandanti i KFOR-it, Ulutas, zhvilloi takim me majorin grek Koufopoulos
KFOR-i njofton se takimi ka pasur në fokus të diskutimit sigurinë në rajon, ku gjenerali Ulutas rikonfirmoi përkushtimin e KFOR-it për ruajtjen e një mjedisi të qetë dhe të sigurt për të gjithë njerëzit që jetojnë në Kosovë.
Komandanti i Misionit të KFOR-it, udhëhequr nga NATO-ja, gjeneralmajor Ozkan Ulutas, ka pritur në takim në Shtabin e Përgjithshëm të KFOR-it në kampin “Film City” në Prishtinë, majorin Alexandros Koufopoulos, komandant i Divizionit të 2-të të Këmbësorisë së Mekanizuar të Forcave të Armatosura Greke, transmeton Anadolu.
KFOR-i njofton se takimi ka pasur në fokus të diskutimit sigurinë në rajon, ku gjenerali Ulutas rikonfirmoi përkushtimin e KFOR-it për ruajtjen e një mjedisi të qetë dhe të sigurt për të gjithë njerëzit që jetojnë në Kosovë, në mënyrë të paanshme dhe transparente.
Gjeneralmajori Ulutas i shprehu mirënjohjen e tij të sinqertë Gjeneralit Koufopoulos për kontributin e kahershëm dhe të vlefshëm të Greqisë në misionin e KFOR-it.
KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të Organizatës së Kombeve të Bashkuara (OKB) të vitit 1999, për të ofruar një mjedis të sigurt për të gjitha komunitetet që jetojnë në Kosovë dhe për të garantuar lirinë e lëvizjes, në çdo kohë dhe në mënyrë të paanshme.
KFOR-i është reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht, me të cilët punon në koordinim të ngushtë.
