Kryeparlamentari Gashi merr pjesë në hapjen e Shkollës së Katërt Ballkanike të Pediatrisë
Kryeparlamentari Afrim Gashi mori pjesë në hapjen e Shkollës së Katërt Ballkanike të Pediatrisë, një ngjarje kyçe për avancimin e kujdesit shëndetësor ndaj fëmijëve.
“Pata kënaqësinë të marr pjesë në hapjen e Shkollës së Katërt Ballkanike të Pediatrisë, një ngjarje e rëndësishme për avancimin e kujdesit shëndetësor ndaj fëmijëve”, tha Gashi, duke theksuar rëndësinë e këtij aktiviteti për komunitetin pediatrik.
Ai shtoi se roli i pediatërve është i pazëvendësueshëm dhe bashkëpunimi në shkëmbimin e njohurive është çelësi për ngritjen e standardeve: “Shëndeti i fëmijëve është treguesi më i qartë i kujdesit që një shoqëri ka për vetveten, dhe ne do të vazhdojmë të mbështesim politikat që forcojnë këtë sektor.”
Gashi shprehu mirënjohje për organizatorët dhe pjesëmarrësit për kontributin e tyre në shëndetin e fëmijëve, duke theksuar rëndësinë e përkushtimit të përbashkët për të ardhmen e shëndetësisë pediatrike.
