Tërmet u ndje në pjesën perëndimore të RMV-së, epiqendra ishte në Greqi
Një tërmet, epiqendra e të cilit kishte origjinën në Greqi, u ndje në pjesët perëndimore të vendit mbrëmë, njoftoi Observatori Sizmologjik në Fakultetin e Shkencave Matematiko-Natyrore në Shkup.
Sipas informacioneve nga atje, tërmeti kishte magnitudë prej katër ballësh sipas shkallës Rihter.
U regjistrua në orën 22:17, dhe epiqendra është rreth 200 kilometra në jugperëndim të Shkupit.
Intensiteti i tërmetit të ndjerë, sipas të dhënave, ishte III gradë sipas shkallës evropiane makroseizmike, njoftoi Observatori Sizmologjik.
