Këto janë ekipet e kualifikuara në 1/16 e Ligës së Kampionëve
Janë mësuar 16 ekipet që kanë siguruar kualifikimin për raundin e 16-të të Ligës s Kampionëve, faza ku nis vërtet lufta për trofeun më prestigjioz të futbollit evropian për klube.
Nga faza e vetme e grupeve, kualifikimin e drejtpërdrejtë e kanë siguruar tetë skuadra të mëdha evropiane:
Arsenal, Bayern Munich, Liverpool, Tottenham, Barcelona, Chelsea, Sporting CP dhe Manchester City. Këto skuadra treguan stabilitet dhe cilësi gjatë fazës së grupeve, duke shmangur rrezikun e play-off-it.
Ndërkohë, tetë ekipe të tjera e siguruan biletën për në raundin e 16-të përmes fazës play-off, pas përballjeve të forta dhe dramatike. Këto janë: Atlético Madrid, Bayer Leverkusen, Bodo/Glimt, Newcastle, Atalanta, Real Madrid, Paris Saint-Germain dhe Galatasaray.
Vëmendja tani është e gjitha te shorti i raundit të 16-të, i cili do të zhvillohet të premten, në orën 12:00, në selinë e UEFA-s në Nyon. Shorti do të përcaktojë jo vetëm çiftet e kësaj faze, por edhe rrugëtimin e mundshëm të skuadrave drejt çerekfinaleve dhe më tej, duke rritur pritshmëritë për përballje spektakolare mes gjigantëve të futbollit evropian.
