Turqia dërgon kamionë me ndihma dimërore në Gaza
Përderisa dimri ndikon negativisht në jetesën në Gaza, Turqia vazhdon të dërgojë ndihma humanitare në enklavën e shkatërruar nga lufta, raporton Anadolu.
Drejt Gazës u nisën kamionë me ndihma humanitare të cilat u grumbulluan në qytezën Melikgazi në provincën qendrore turke Kayseri.
Kamionët, të organizuar nga bashkia në bashkëpunim me Fondacionin e Ndihmës Humanitare (IHH), përmbajnë artikuj thelbësorë si batanije, jorganë dhe shtretër.
Partnerët humanitarë, sipas raporteve të OKB-së, vlerësojnë se më shumë se një milion njerëz ose afërsisht gjysma e popullsisë së Gazës vazhdojnë të kenë nevojë urgjente për ndihmë në strehim.
Nevojat e tyre të mëdha vazhdojnë dhe kushtet e rënda të dimrit po i përkeqësojnë vështirësitë për familjet e detyruara të jetojnë në tenda ose struktura të dëmtuara rëndë.
Me mbërritjen e dimrit, familjet në Gaza kanë nevojë edhe më të madhe për mbështetje. Fondacioni i Ndihmës Humanitare vazhdon të ofrojë materiale urgjente ndihme, duke përfshirë ushqim, ujë, ilaçe dhe furnizime të ngjashme në Gaza.
Në vitin 2025, grupi dorëzoi 77 kamionë me materiale ndihme humanitare në Gaza. Gjatë të njëjtit vit, fondacioni shpërndau 28,7 milionë racione me vakte të ngrohta, duke bashkëpunuar me Programin Botëror të Ushqimit (WFP) në këtë projekt.
Kamionët u nisën me lutje, ndërsa Bashkia Melikgazi vazhdon përpjekjet e saj për të ofruar ndihmë për ata që preken nga kriza humanitare e vazhdueshme në Gaza.
