STC synon të mbajë referendum për pavarësinë e Jemenit jugor brenda dy vitesh, thotë kreu i saj

Aidarous al-Zubaidi, kreu i Këshillit Tranzicional Jugor separatist të Jemenit – STC (organizatë politike dhe ushtarake separatiste në Jemen, e cila synon pavarësinë ose autonominë e Jemenit jugor), ka njoftuar nisjen e një periudhe tranzitore dyvjeçare, e cila do të pasohet nga një referendum për pavarësinë në jug të vendit.

Deklarata vjen pas përleshjeve mes koalicionit të udhëhequr nga Arabia Saudite dhe forcave të STC-së në Hadramaut, ku forcat besnike të guvernatorit Salem al-Khanbashi morën nga STC-ja bazën më të madhe ushtarake në rajon.

Al-Zubaidi gjithashtu i bëri thirrje komunitetit ndërkombëtar që të sponsorizojë bisedime mes palëve të interesuara në jug dhe në veri për një rrugëdalje përpara, si dhe për mekanizma që do të “garantojnë të drejtat e popullit të jugut”. /Al Jazeera/