Mexhiti: Bekim Sali do të jetë zv/kryeministër i parë, Muhamed Hoxha do të jetë ministër i Ekologjisë

Nuk do të ketë rikonstruim të Qeverisë por plotësim të vendeve të mbetura bosh. Kështu ka deklaruar Izet Mexhiti, që la pozitën e zv. Kryeministrit të parë dhe ministrit të ambientit për të marrë pozitën e të parit të Çairit.
Duke u përgjigjur pyetjeve të gazetarëve Mexhiti ka konfirmuar atë që veçmë dihej në opinion, se Muhamed Hoxha, ish zëdhënësi i Qeverisë, do ta merr detyrën e Ministrit të Ambientit Jetësorë dhe Planifikimit Hapësinorë.
“Nuk do të ketë rekonstruim, por do ketë plotësim të vendeve kryesisht, po. Po finalizohen. Ajo që dihet është se Bekim Sali do jetë zëvendëskryeministri i parë. Dhe do të duhet këto ditë ta definohet cilin resor tjetër do e mbulon. Dhe ministri i Ekologjisë do të jetë Muhamed Hoxha”, tha mes tjerash Mexhiti.