Kasami: Tetova po e përqafon vizionin tonë, më 2 nëntor konfirmojmë Fitoren e Madhe
Kryetari aktual i Tetovës dhe kandidati i koalicionit VLEN për mandatin e dytë, Bilall Kasami, ka vazhduar fushatën zgjedhore me takime të drejtpërdrejta me qytetarët. Ai, bashkë me zëvendëskryeministrin Izet Mexhiti, ka zhvilluar vizita derë më derë në lagje të ndryshme të Tetovës, ku ka kërkuar mbështetjen për, siç tha, “të mirën e Tetovës”.
“Bashkë me zv/kryeministrin Izet Mexhiti, trokitëm derë më derë në Tetovë për ta kërkuar mbështetjen për të mirën e Tetovës, për Tetovën që ecë përpara me infrastrukturë moderne, pastërti, mirëqenie dhe zhvillim,” shkroi Kasami në një postim në rrjetet sociale.
Sipas tij, qytetarët po e përqafojnë çdo ditë e më shumë vizionin për një qytet modern dhe të zhvilluar.
“Më 2 nëntor konfirmojmë Fitoren e Madhe dhe vazhdojmë transformimin e qytetit,” theksoi Kasami.
Fushata e VLEN-it në Tetovë është përqendruar në vazhdimësinë e projekteve infrastrukturore dhe në përmirësimin e shërbimeve publike, me synimin për ta çuar përpara transformimin urban të qytetit.
