Trump kërcënon se “do të hyjë dhe t’i vrasë” anëtarët e Hamasit pas përplasjeve të brendshme në Gaza
Presidenti amerikan ka kërcënuar grupin palestinez, duke deklaruar se “nëse Hamasi vazhdon të vrasë njerëz në Gaza, gjë që nuk ishte pjesë e marrëveshjes, nuk do të kemi zgjidhje tjetër përveçse të hyjmë dhe t’i vrasim ata”.
Donald Trump nuk specifikoi për cilat vrasje të supozuara të kryera nga Hamasi po fliste dhe nuk dha detaje të tjera për të mbështetur kërcënimin e tij.
Në ditët e fundit janë shfaqur raporte për përplasje midis Hamasit dhe anëtarëve të bandave palestineze dhe klaneve rivale që kanë marrë mbështetje izraelite gjatë luftës së këtij shteti kundër Gazës.
