Ushtria izraelite arreston 22 palestinezë në Bregun Perëndimor, përfshirë dy gazetarë
Ushtria izraelite arrestoi 22 palestinezë, përfshirë dy gazetarë, në një bastisje në qytetin Nablus dhe rrethinat e tij në veri të Bregut Perëndimor, transmeton Anadolu.
Sipas agjencisë palestineze të lajmeve WAFA, ushtria izraelite bastisi qytetin Nablus të Bregut Perëndimor, kampet e refugjatëve Askar dhe Balata, si dhe qytetet Beita, Zawata dhe Kafr Qalil.
Ushtarët izraelitë hynë me forcë në shtëpitë palestineze në zonat e bastisura, i kontrolluan ato dhe dëmtuan sendet e tyre.
Ushtarët izraelitë arrestuan gazetarët Mohammed Mana dhe Nawwaf al-Amir në qytetet Zawata dhe Kafr Qalil, dhe arrestuan 20 palestinezë të tjerë në zonat e bastisura.
Që kur Izraeli nisi ofensivën e tij kundër Rripit të Gazës më 7 tetor 2023, ka pasur një rritje të ndalimeve, bastisjeve dhe sulmeve ndaj palestinezëve në Bregun Perëndimor dhe Kudsin Lindor të pushtuar.
